Qué se pode esconder nun escuro castelo perdido nas montañas? Poida que algo que non quere ser descuberto ou, poida que, algo que espera que o descubran. Frankenstein é un clásico da literatura, do cine, do teatro e dos musicais, unha obra que sempre está vixente para unha reposición e máis para público familiar, xa que ás veces é complicado expoñer a monstruosidade á que pode chegar o ser humano por buscar a perfección. Iso pasoulle a Víctor Frankenstein e pásalles ás persoas que non se aceptan a si mesmas.

E diso trata Frankenstein de Teatro dos Ghazafelhos: da autoestima do ser humano. Unha aventura nas entrañas dun castelo onde os investigadores, a Dra. Mon Champignom e o Dr. Pe Arrepío, investigan se o lexendario monstro de Frankenstein existe ou non.