É unha peza teatral baseada no libro homónimo de María Canosa.

A historia está protagonizada por unha divulgadora científica e dous doutores de ciencias recoñecidos mundialmente: Montsilia Brasilisca e Pepablov Pasparof.

Con moita comedia e experimentos sorprendentes, H2…OH! achéganos ás curiosidades científicas que forman parte do noso día a día:

• Sabías que os cascos protectores foron inventados polos paxaros?

• Ou por que existen os espellismos?

• A que non repararas en que hai animais que nunca beben auga?

• E sabías que o número Pi é infinito e nunca remata?

Estas e moitas outras preguntas atopan resposta nun espectáculo no que a tolemia destes científicos e a extravagancia dos seus experimentos fan que o público viva unha experiencia única, recordando o alicerce de toda ciencia: a curiosidade.